زيادة الصادرات هدف استراتيجي عند الحكومة المصرية والهدف ده هيتحقق نسبة كبيرة منه من ميناء دمياط.. ياتري اية اللي بتعمله الحكومة في ميناء دمياط.. وازي الحكومة هتضاعف صادراتها من دمياط للخارج.
مصر عندها خطة أنها تتحول لمركز اقليمي للتبادل التجاري، والخطة دي مش هتنجح الا لو كانت مصر بقت دولة صناعية زراعية من الطراز الأول، وكمان يكون عندها بنية تحتية كبيرة وجاهز لاستقبال وتصدير كل أنواع الصناعات والمنتجات اللي بتخرج من الإنتاج والتصنيع المحلي، وعلشان كده أول خطوة عملتها الحكومة كانت الاهتمام بتشييد وتطوير البنية التحتية في مصر، ده حصل من خلال الثورة اللي قامت بيها الحكومة لتطوير الطرق والكباري والمؤاني وكل القطاعات اللي موجودة في الدولة المصرية.
طيبة اية حكاية الثورة للي بتعملها الحكومة في ميناء دمياط.. واشمعني الدولة مركزة علي ميناء دمياط؟.
مصر حاليا عندها خطط للتعاون والتنسيق مع القطاع الخاص للدخول في إدارة وتشغيل عدد كبير من الجهات والهيئات التابعة للدولة، وخلال الكام ساعة اللي فاتوا الحكومة وقعت واحدة من اهم صفقاتها لتنمية الصادرات المصرية مع شركة السويدي اليكتريك لانشاء وتشغيل وتطوير منطقة صناعية لوجيستيى متكاملة بميناء دمياط.
التوقيع الجديد اللي وقعته الحكومة ممثلة في الشركة القابضة للنقل البحري والبري بيستهدف أول استثمار في المدينة الصناعية غرب دمياط، وبيهدف لأنشاء مصنع للكابلات البحرية لصالح شركة السويدي اليكتريك باستثمارات هتوصل لـ500 مليون دولار وهيكون المصنع السادس علي مستوي العالم في مجال تصنيع الكابلات الكهربائية، وهيكون كل انتاجه مخصص للتصدير للخارج، وهيكون واحدة من اهداف الدولة المصرية لزيادة الصادرات لدول أورويا والشرق الأوسط وإفريقيا.
طيب له الحكومة دخلت النوع ده من المشروعات في مجالات الصناعة المصرية؟.
طبعا كلنا شايفين التوجه العالمي لوجود وبناء مشروعات الربط الكهربائي مع دول الجوار واللي مصر واحدة من الدول اللي بدأت تطبق النوع ده من المشروعات، وبالتالي اغلب دول العالم بتدور علي النوع من المنتجات لاستكمال مشروعات الربط الكهربائي بين الدول وبعضها.
المنتج المصري الجديد من الكابلات البحرية هيعزز قدرة الدول كمان علي التحول للطاقة النظيفة خصوصا أنه هيكون قادر علي نقل الطاقة من مناطق الانتاج لمناطق الاستهلاك، والنوع ده من الصناعات علي طلب عالمي كبير جدا في الوقت الحالي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
